امكر بعض زوجات الابناء

[size=12]يحكى انه في شاب تزوج.. وطبعا تعرفون عيال اول مايطلعون من بيت اهاليهم.. يعني كل العائله متكدسه في بيت واحد
العيال وحريم العيال وام العيال ..
المهم..
الولد الاخير تزوج وجاب زوجته للبيت.. وبعد كم يوم قالن حريم عيالهم للعروس الجديده..
لازم تشاركين معنا بمهام البيت ( من ضمن مهام البيت الطبخ وتنظيف البيت وشيل الخاله واحيانا يسمونها العمه اللي هي ام الزوج >> يدورون فيها بالحوش لين تغيب الشمس >> هذي والله العجوز المدلعه صدق
المهم ان حريم العيال وحده قالت:
انا علي الطبخ ..والثانيه قالت: انا علي التنظيف ..
وعطوا العروس مهمة شيل الخاله والدوران فيها بالحوش >> الله يعين ظهر العروس
المهم.. بدا الدوران بالعجوز.. كل يوم ..وبعد كم يوم طفشت العروس وحامت كبدها من الدوران كل يوم بهالعجوز.. وبدت تدور لها خطه تفكها من العجوز
في يوم من الايام اجتمعت العروس.. بحريم العيال الثانيات.. وقالتلهم:
تبوني افككم من العجوز ؟؟
قالن يااااااااااليت !!
قالت:
انا عندي خطه ..اذا شفتني قاعده ادور بالعجوز.. ابي وحده منكن تجي وتقولي :
يافلانه امك ماتت .. وخلن الباقي علي >> وافقن حريم العيال على الخطه
وفي اليوم الموعود.. كانت العروس تدور بالعجوز بالحوش كالعاده..
جات وحده من المشاركات بالخطه وقالتلها امك ماتت!!!!!!
ومثلت البنت انها مفجوعه بامها ..وقامت تصارخ وهي تمسك العجوز برجلينها
وتمحط فيها الجدار
وكل ماقالت اه يايمه.. ضربت بالعجوز الجدا..ر والعجوز المسكينه تبكي وتقول:
(( حطيني وانعي امتس ـ حطيني وانعي امتس)) امتس يعني امك ههههههه
والبنت ماعليها من العجوز.. تصيح وتضرب بالعجوز الجدار..
والعجوز مازالت تردد (( حطيني وانعي امتس ))
الى ان قاربت العجوز على لفظ انفاسها الاخيره..
ويدخلون عيالها ويشوفون البنت تصيح.. ويقولون يافلانه..
عسى ماشر؟؟
قالتلهم :
خالتي طاحت وتنازع.. ويتراكظون عيالها حولها.. وهي تاشر على البنت ومافيها حيل تكلم
والبنت تقول:
وش تقولين ياخاااااااله الذهب كله لي ؟؟
مابيه ياخاله مابي الا سلامتك !!
والعجوز تاشر على البنت.. وتصيح قالتلها:
وش تقولين ياخاله اخذ مفاتيح المخازن ؟؟
مابي شي ابيك تقومين لنا سالمه !!
ومن القهر العجوز ماتت
وقالوا العيال وصية امنا لازم تتنفذ >> وعطوا العروس الذهب ومفاتيح المخازن
وحريم العيال ماقدروا يتكلمون بكلمه >> يكفي فكتهم من العجوز

» زوجات الملك الأربعة...