عبدالمجيد الشمري
عدد الرسائل : 3 اوسمه : نقاط : 3 تاريخ التسجيل : 25/02/2009
| موضوع: قصيده بقلم عبدالمجيد الشمري ,, الخميس أبريل 02, 2009 4:51 pm | |
| بسم الله الرحمن الرحيـــم
أسعد الله أوقاتكـم بكــل خيــر ..
أبيــات متواضعه بقلمي أتمنى أن ترتقي لذائقتـكـم :
عشت الحياه وشفت غالين ورخاص وعايشت لي قصّه عن ألفين قصّه
عرفت كيف أجبر كثيرات الانصاص وعرفت من يكفيك لا غاب نصّه
أثر الحياه:طعون وآمال واخلاص وأثر الممات:علاج من كل غصّه
ياصاحبي لا جيت تبحث عن أشخاص: خص الخوي اللي تثق فيه خصّه
دوّر خوي ٍ بالشدايد لك رصاص واحذر من اللي همّه عيون حصّه
بالك تكون اللي عن المرجله لاص وقلبك على كسب النواميس وصّه
رجل ٍ يجيب الدر الأبيض ليا غاص ورجل ٍ يهاب الموج ودك بتصّه
الهاص صكّه لا طغى بأُكة الهاص وكل ٍ له اللي لا تفرّق يرصّه
ولا ترجي الفزعه من ذراع ملاص وغصن ٍ ظلاله ما يظلّلك ..قصّه
وسلامتكم
مع تحيات محبكم
عبدالمجيد بن محمد الشمري | |
|
البدر
عدد الرسائل : 24 اوسمه : نقاط : 24 تاريخ التسجيل : 24/02/2009
| موضوع: رد: قصيده بقلم عبدالمجيد الشمري ,, السبت أبريل 11, 2009 9:50 am | |
|
احسنت / اخوي ................عبدالمجيد الشمري
ابدعت في قصيدتك كونها تنبع من احساس صادق و مرهف يحمل في طياته كثير من المعاني الجميله
والكلمات المؤثره تترجمها على شكل ابيات تسحر بها كل قارءو ترغمه في قرائتها رغم انفه دون ان
يشعر .
استمر ولك مني كل تقدير
اخوك / البدر
| |
|